गंगापूर (प्रतिनिधी) तालुक्यात रविवारी रात्री जोरदार वाऱ्यासह पडलेल्या अवकाळी पावसामुळे पिकांचे मोठे नुकसान झाले. हाता-तोंडाशी आलेले पिके जमीनदोस्त झाल्याने शेतकऱ्यांवर मोठे संकट कोसळे आहे. मंगळवारी २८ नोव्हेंबर रोजी आमदार प्रशांत बंब यांनी टोकी शिवारात पिकांच्या नुकसानीची पाहणी केली. गंगापूर तालुक्यासह वाळूज महानगर परिसरात रविवारी रात्री जोरदार वाऱ्यासह अवकाळी पाऊस पडला. या पावसामुळे टोकी, शहापूर बंजर, खोजेवाडी, आसेगाव, आंबेगाव आदी गावातील शेतकऱ्यांचा वेचणीला आलेला कापूस भिजल्याने कापसाच्या वाती होऊन मका व ज्वारीचे पिके भुईसपाट झाले आहेत. मंगळवारी आमदार प्रशांत बंब यांनी टोकी शिवारात नुकसान झालेल्या पिकांची पाहणी केली. यावेळी तहसीलदार सतीश सोनी, तालुका कृषी अधिकारी बापूराव जायभाये, मंडळ अधिकारी दिपाली गाडे, ज्ञानेश्वर दुर्गुडे, प्रशांत गोसावी, तलाठी गंगाधर जगताप, कृषी सहाय्यक वर्षा हिवाळे आदींची उपस्थिती होती. यावेळी आमदार बंब यांनी शेतकऱ्यांसोबत संवाद साधून उपस्थित अधिकाऱ्यांना झालेल्या नुकसानीचे पंचनामे करून तातडीने याचा अहवाल शासनाकडे सादर करण्याच्या सूचना दिल्या. यावेळी शिवनाथ मालकर, के.डी.रावते, शरद रावते, कैलास चक्रे, भगवान कात्रे आदींसह शेतकऱ्यांची मोठ्या संख्येने उपस्थिती होती.
संबंधित पोस्ट
कल्याण मटका घेणा-या तिघांना अटक २२ हजार रुपये रोख व मुद्देमाल जप्त
कल्याण मटका घेणा-या तिघांना अटक २२ हजार रुपये रोख व मुद्देमाल जप्त.गंगापूर (प्रतिनिधी)औरंगाबाद ग्रामीण पोलीस अधीक्षक यांच्या विशेष पथकाच्या गंगापूर येथील दोन कल्याण मटक्यावर ठिकाणी…
तलाठ्याला कार्यालयाचे वावडे. तलाठी खिल्लारे यांचा मुख्यालयाचा गाडा छत्रपती संभाजीनगर येथुन
गंगापूर (प्रतिनिधी) शासनाच्या आदेशाला केराची टोपली दाखवून मुख्यालयी न राहणा-या तलाठी खिल्लारे यांची चौकशी करून कारवाई करण्याची मागणी. गंगापूर तालुक्यातील अगरकानडगांव, ममदापूर , नेवरगांव व…
सातबारावर कर्ज बोजा टाकण्यासाठी दोन हजार रुपयांची लाच मागितली. एक हजार रुपयांची लाच घेताना तलाठ्याला रंगेहाथ पकडले
गंगापूर (प्रतिनिधी) तालुक्यातील सिंधी सिरजगांवच्या तलाठी साळवे याला लाचलुचपत विभागाच्या पथकाने एक हजार रुपयांची लाच स्वीकारताना रंगेहाथ पकडले. सुत्रांकडून मिळालेल्या माहितीनुसार तक्रारदार- पुरुष, वय- 56…