आईच्या नावाला काळीमा.अल्पवयीन १४ वर्षांच्या पोटच्या मुलीचे आईच्या संमतीने प्रियकराकडुन शारीरिक शोषण. मुलगी ८ महिन्याची गरोदर, शेणपुंजी रांजणगाव येथील धक्कादायक प्रकार. आई व प्रियकराला अटक. 

गंगापूर (प्रतिनिधी) जन्मदात्या आईने प्रियकराकडुन १४ वर्षांच्या मुलीवर बलात्कार करून गरोदर राहिल्या प्रकरणी प्रियकरासह निर्दयी आईला वाळूज एमआयडीसी पोलिसांनी अटक केली आहे
गंगापूर तालुक्यातील शेणपुंजी रांजनगाव येथे धक्कादायक प्रकार उघडकीस आला असून जन्म दात्या आईनेच आपल्या प्रियकरासोबत बळजबरीने शारीरिक संबंध करण्यास भाग पडल्याने १४ वर्षीय मुलगी ८ महिन्याची गरोदर राहिल्याने हा प्रकार उघडकीस आला आहे.
पोलिसांकडून मिळालेल्या माहितीनुसार १५ जून रोजी छत्रपती संभाजीनगर येथील घाटी हॉस्पिटल येथे १४ वर्षीय मुलीला पोटात त्रास होत असल्याने दाखल करण्यात आले होते, त्यानुसार घाटीतील डॉक्टरांनी या घटनेची वाळूज एमआयडीसी पोलिस ठाण्यात माहिती देण्यात आली त्यानुसार पोलिसांनी १६ जून रोजी पिडीत मुलीचा घाटी हॉस्पिटलमध्ये जाऊन जबाब नोंदवला असता तिने मागील आठ महिण्या पुर्वी रांजनगांव शे.पु. येथील शाळेतून घरी जात असतांना दुपारी एक वाजताच्या सुमारास रांजनगांव शे.पु. येथील रूम मध्ये अनोळखी इसमाने बळजबरीने शारिरीक संबंध केले असल्याचे मुलीने पोलिसांना सांगितले. हा अतिशय गंभीर स्वरुपाचा गुन्हा असल्याने वरिष्ठ पोलीस निरीक्षक कृष्णा शिंदे यांनी तपासाचे चक्रे फिरवून  गुन्ह्यातील पिडीत मुलीची आई व वडील यांच्याकडे उलट तपास केला तसेच सहायक पोलिस निरीक्षक श्रध्दा वायदंडे यांनी पिडीत मुलीची आई व पिडीत मुलीस वेगवेगळे करून त्यांच्याकडे विचारपुस केली.मुलीची आई व  आईची प्रियकर हे पिडीत मुलीच्या समोर सिंगल रूममध्ये शारिरीक संबंध करत होते.तसेच पिडीत मुलीच्या आईनेच तिच्या अल्पवयीन १४ वर्षाच्या मुली सोबत तिचे प्रियकरास शारिरीस संबंध करण्यास संमती दिली. त्यामुळे अल्पवयीन मुलगी ही गरोदर राहिल्याचे तपासात निष्पण झाले आहे. त्यावरून पिडीत मुलीची आई वय ३७  वर्ष व तिचा प्रियकर आरोपी अंकुश प्रल्हाद जाधव,वय  ३९ वर्ष रा. रांजनगांव शे.पु. ता.गंगापूर जि.छत्रपती संभाजीनगर यांच्या विरोधात वाळूज एमआयडीसी पोलिस ठाण्यात पोस्को कायद्या अंतर्गत गुन्हा दाखल करण्यात आला असून आईच्या प्रियकरासह निर्दयी आईला वाळूज एमआयडीसी पोलिसांनी १७ जून रोजी राञी अटक केली असून पुढील तपास पोलिस करीत आहे.