अतुल रासकर यांच्या मागणीला यश आपला दवाखाना स्थलांतरित परंतु एम बी बी एस डाॅक्टरांची भरती केव्हा करणार

अतुल रासकर यांच्या मागणीला यश आपला दवाखाना स्थलांतरित परंतु एम बी बी एस डाॅक्टरांची भरती केव्हा करणार
गंगापूर (प्रतिनिधी)हिंदुहृदयसम्राट बाळासाहेब ठाकरे आपला दवाखाना मध्ये बेकायदेशीर व मनमानी कारभाराची सखोल चौकशी करण्यात येऊन संबंधीताविरुध्द कार्यवाही करण्यात यावी अशी मागणी करताच आपला दवाखाना गंगापूर शहरातील म्हाडा कॉलनीत स्थलांतरित करण्यात आला अतुल रासकर यांच्या मागणीला यश
रासकर यांनी जिल्हाधिकारी व आमदार प्रशांत बंब व जिल्हा आरोग्य अधिकारी यांना निवेदन देवून तक्रार दिली होती की”हिंदुहृदयसम्राट बाळासाहेब ठाकरे आपला दवाखाना” १ मे २०२३ रोजी स्थापन करण्यात आलेली आहे. या योजनेअंतर्गत तालुक्यातील झोपडपट्टी व शहरापासुन / गावापासुन दुर राहणाऱ्या नागरीकांसाठी ही योजना सुरु केलेली आहे. परंतु गंगापुर शहरात सदरील योजना ही पंचायत समिती परिसरातील अत्यंत निकृष्ठ दर्जाच्या व मोडकळीस आलेल्या खोलीमध्ये आपला दवाखाना सुरु आहे. आपला दवाखाना हा मोक्याचे ठिकाणी असणे गरजेचे असतांना नगर परिषद गंगापुर चे मुख्याधिकारी यांनी वरील दवाखान्याबाबत स्वतः प्रत्यक्ष हजर राहुन आवश्यक असलेल्या ठिकाणी न करता हलगर्जीपणाने अत्यंत बिकट व स्वच्छता नसलेल्या परिसरात १ मे पासुन दवाखाना सुरु केला आहे. या दवाखान्याबाबत गरजुंना व वंचीतांना कोणतीही माहिती नसल्याने सदरील गरजू रुग्न हे त्या सेवेपासुन व लाभापासुन वंचीत राहत आहे. आज रोजी या दवाखान्याबाबत कोठेही सुचना फलक अथवा बॅनर अथवा इतर पध्द खीळतीने दवाखान्याचा प्रचार प्रसार करण्यात आलेला नाही. दवाखान्यातील कर्मचारी व विशेष करुन मुख्याधिकारी, नगर परिषद गंगापुर हे “हिंदुहृदयसम्राट बाळासाहेब ठाकरे आपला दवाखाना” या योजनेच्या लाभापासुन वंचीताना दुर ठेवत आहे व शासनाने दिलेल्या सेवेचा लाभ गरजू रुग्नांपर्यंत पोहचु देत नाही. आजमितीला दवाखाना ठरलेल्या वेळेनुसार व नियोजनानुसार सुरु नसुन मनमानी कारभारानुसार सुरु असल्याची तक्रार केली होती या तक्रारीची आमदार प्रशांत बंब व जिल्हा आरोग्य अधिकारी यांनी दखल घेत हा आपला दवाखाना म्हाडा कॉलनी येथे स्थलांतरित करून सुरू केला आहे परंतु सध्या या दवाखान्यात बि ए एम एस डॉक्टर रुग्णांवर उपचार करत आहेत या दवाखान्यात एम बि बि एस डॉक्टरांची त्वरित भरती करावी अशी मागणी अतुल रासकर यांनी केली आहे.